Terms and Conditions

Hapësira e zbatimit. Hyrja në Faqe

Ky dokument përbën një marrëveshje të lidhur midis SkinShare Shop, me seli në adresën: Bulevardi Gjergj Fishta, Tiranë 1016, Albania, dhe klientëve përkatës. Ai përcakton Kushtet e Përgjithshme të blerjes në rrugë elektronike të produkteve të SkinShare Shop nëpërmjet faqes www.skinsharedoctor.com.

Duke kryer porosi në këtë faqe, Ju pranoni pa asnjë rezervë të gjitha Kushtet e Përgjithshme. Këto kushte zbatohen për të gjitha shitjet e kryera përmes faqes së internetit të SkinShare Shop, pavarësisht mënyrës së dorëzimit. Në rast ndryshimi të kushteve, çdo ndryshim publikohet në këtë faqe dhe nuk ka fuqi prapavepruese.

SkinShare Shop nuk mban përgjegjësi për materiale të padëshiruara që mund të shkarkohen gjatë navigimit në faqe, apo për mungesën e antivirusit, firewall-it ose përditësimeve të nevojshme në pajisjen e përdoruesit. Klienti merr përsipër të mbrojë pajisjet e tij nga sulmet e jashtme, përfshirë viruse, malware apo forma të tjera ndërhyrjeje.

Procedura e kryerjes së blerjes / porosisë

Klienti duhet të jetë mbi 18 vjeç dhe me zotësi juridike të plotë për të kryer blerje nëpërmjet faqes. Regjistrimi në faqe mund të kërkojë dhënien e emrit, mbiemrit, adresës elektronike dhe fjalëkalimit. Fjalëkalimi është personal dhe duhet të ruhet i fshehtë.

Klienti kryen porosinë nëpërmjet procedurës së përcaktuar në faqe dhe konfirmon përmbledhjen e porosisë, përfshirë produktin, çmimin dhe sasinë. SkinShare Shop nuk mban përgjegjësi nëse një person i tretë përdor kredencialet e klientit për të kryer blerje pa dijeninë ose autorizimin e tij.

Produktet dhe Çmimi

Vizitoni www.skinsharedoctor.com për të parë  produktet tona. 

Çmimet e produkteve përfshijnë TVSH, por nuk përfshijnë kostot e dërgesës, të cilat mbulohen nga klienti, përveç rasteve kur parashikohet ndryshe. Në rast gabimi të mundshëm në çmim, klienti do të njoftohet dhe do të ketë të drejtë të zgjedhë nëse do të vazhdojë ose do të anulojë porosinë.

Mënyrat e Kryerjes së Pagesës

Klienti mund të kryejë pagesën nëpërmjet formave të mëposhtme:

• Pagesë me para në dorë gjatë dorëzimit

Në rast pamundësie për përmbushjen e porosisë, SkinShare Shop do të rimbursojë vlerën e produkteve të padërguara dhe kostot përkatëse, sipas rastit.

Dorëzimi i Produkteve

Dorëzimi i produkteve kryhet brenda 2 ditëve nga konfirmimi i porosisë, përveç rasteve kur njoftohet ndryshe. Në rast vonese, klienti do të njoftohet dhe mund të zgjedhë të vazhdojë ose të anulojë porosinë.

Dorëzimi bëhet vetëm brenda territorit të Shqipërisë, përveç rasteve kur SkinShare Shop parashikon shprehimisht shërbim dërgese edhe jashtë territorit.

Me nënshkrimin e marrjes së produktit pa vërejtje, klienti pranon se produkti është dorëzuar në gjendje të rregullt. Nëse dorëzimi dështon për arsye që lidhen me klientin, ky i fundit mund të humbasë të drejtën e rimbursimit të kostove të transportit.

Anulimi i Porosisë

Klienti mund të anulojë porosinë në rast mospërmbushjeje nga SkinShare Shop, duke kontaktuar në adresën info@skinsharedoctor.com.

Kthimi i Produkteve

Sipas Ligjit Nr. 9902, datë 17.04.2008, “Për Mbrojtjen e Konsumatorëve”, klienti ka të drejtë të heqë dorë nga kontrata brenda 14 ditëve nga marrja e produktit.

Për të ushtruar këtë të drejtë, produkti duhet të jetë i papërdorur, në paketimin origjinal dhe i shoqëruar me dokumentacionin përkatës. Kostot e kthimit mbulohen nga klienti, përveç rasteve kur parashikohet ndryshe nga SkinShare Shop.

Privatësia dhe të Drejtat e Autorit

SkinShare Shop zbaton kërkesat ligjore për mbrojtjen e të dhënave personale. Të dhënat e klientëve mbrohen përmes masave teknike dhe organizative të sigurisë. Klienti është përgjegjës për ruajtjen e fshehtësisë së fjalëkalimit të tij dhe duhet të njoftojë menjëherë SkinShare Shop në rast përdorimi të paautorizuar të llogarisë.

Klienti ka të drejtë të kërkojë akses, korrigjim ose fshirje të të dhënave të tij personale duke kontaktuar në adresën info@skinsharedoctor.com.

Të gjitha elementet vizuale, grafike, tekstuale dhe zanore të faqes janë në pronësinë ekskluzive të SkinShare Shop dhe mbrohen nga legjislacioni për të drejtat e autorit. Çdo përdorim, riprodhim apo shpërndarje pa autorizim paraprak është i ndaluar.

Garancia dhe Shërbimi ndaj Klientit

Çdo shërbim pas shitjes, nëse aplikohet për produkte të caktuara, ofrohet në përputhje me kushtet e garancisë përkatëse.

Për çdo pyetje, paqartësi ose ankesë, klientët mund të kontaktojnë në adresën info@skinsharedoctor.com.