Kur një krem sysh, i targeton të gjitha problematikat..

Eye Repair nga Transparent nuk  është më kot i famshëm dhe këtë e kam kuptuar para 2 vitesh, herën e parë që e kam provuar. Që atëhere, e kam përdorur shpesh dhe i jam rikthyer shpesh këtij serumi për sytë. 

Cfarë e ka bërë kaq të dashur?

Ja arsyet që do jepja:

1. Nga të paktët serume të cilët targetojnë shume problematika njëherësh, pa qenë nevoja të kem një krem sysh për secilin problem. Kjo sepse përmban:   Retinol, i cili targeton rrudhat, Vitaminë C e cila targeton rrathët e errët, Niacinamide, i cili ndihmon me ruajtjen e barrierës dhe hidratimit
   
2. Cmimi ekonomik që ka, duhet pranuar që e shohim të gjithë. Prandaj, dua të përmend se raporti cmim-cilësi është shumë i kënaqshëm.
3. Trajta e serumit, ujor, por i plotë më pëlqen gjithashtu. Fakti që pasi e aplikoj, përthithet menjëherë dhe nuk më rrëshket tek sytë e ti bëjë të lojtojnë si shume produkte tjera që kam provuar, më mbush mendjen akoma më tepër se ia vlen. 
4. Paketimet në shishe qelqi janë gjithmonë më te pastrat në psikologjinë time, prandaj edhe kjo është një gjë për tu përmendur.

Mendoj se duhet ta provosh patjeter nëse ke problematika të cilat janë të kombinuara, por nuk do të përdorësh shumë produkte për secilën prej problematikave.